سيرة الحب

طول عمري بخاف من الحب.. وسيرة الحب.. وظلم الحب لكل أصحابه
وأعرف حكايات مليانه آهات.. ودموع وآنين.. والعاشقين دابو ما تابوا
طول عمري باأقول لا أنا قد الشوق.. وليالي الشوق.. ولا قلبي قد عذابه
وقابلتك إنت ولقيتك بتغير كل حياتي
ما أعرفش إزاي حبيتك .... ما أعرفش إزاي يا حياتي
من همسة حب لقيتني با حب.. وأدوب في الحب.. وصبح وليل على بابه
فات من عمري سنين وسنين
شفت كثير وقليل عاشقين
اللي بيشكي حاله لحاله
واللي بيبكي على مواله
أهل الحب صحيح مساكين
يا ما الحب نده على قلبي   ..... ما ردش قلبي جواب
يا ما الشوق حاول يحايلني  .... وأقول له روح يا عذاب

 


يا ما عيون شغلوني   ...  لكن ولا شغلوني
إلا عيونك إنت
دول بس اللي خدوني   ....    وبحبك أمروني
أمروني أحب لقيتني با حب.. وأدوب في الحب.. وصبح وليل على بابه

 

ياللى ظلمتوا الحب وقلتواوعدتوا عليه قلتوا عليه مش عارف إيه

العيب فيكم يا فى حبايبكم أما الحب ياروحى عليه

فى الدنيا ما فيش أبدا أبدا أحلى من الحب

نتعب نغلب نشتكى منه لكن بنحب

ياسلام ع القلب وتنهيده فى وصال وفراق

وشموع الشوق لما يقيدوا ليل المشتاق

يا سلام ع الدنيا وحلاوتها فى عين العشاق

أنا خدنى الحب لقيتنى باحب وأدوب فى الحب وصبح وليل على بابه

****

يا اللى مليت بالحب حياتى أهدى حياتى إليك

روحى..قلبى..عقلى..حبى كلّى ملك ايديك

صوتك..نظراتك..همساتك شىء مش معقول

شىء خللى الدنيا زهور على طول وشموع على طول

الله ياحبيبى على حبك وهنايا معاك الله يا حبيبى يا حبيبى الله الله

ولا دمعة عين جرحت قلبى ولا قولة آه

ما بقولش فى حبك غير الله الله يا حبيبى على حبك الله الله

من كتر الحب لقيتنى باحب وأدوب فى الحب وصبح وليل على بابه